kNIp’t Private label dialect


Warning: count(): Parameter must be an array or an object that implements Countable in /home/knipt/public_html/wp-includes/media.php on line 1176
KNip't-eigen-label

nederlandse-vlag Voor Nederlands klik hier

kNIp’t Private label dialect

Inhaod::

  1. Mien verhaol: Wie ’t begós!
  2. Misse wae den get?
  3. Woea vringtj de sjoon?
  4. Säörvis is kNIp’t groeatste sjat!
  5. Woearóm ein eige label?
  6. Waat is miene doelgroep?
  7. Waem maaktj mien logo en verpakkinge?
  8. Samewirking mèt Jos en Nicole Winkelmolen?
  9. Keze vanne produkte!
  10. De lansering van kNIp’t kapsalon Limburgse lien!

 

1 Mien verhaol: Wie ’t begós!

jenny color master 2

6 Jaor geleje bön ich begós mèt miene eige salon. Ich höb bewusjtj gekoeaze väör ’t merk Goldwell ( woea ich nog sjteeds ziër kontent uever bön). Ich sjtaon 100% achter mien merk en bön ziër kontent uever de produkte en ’t bedrief KAO. Door alle edukasie die Goldwell mich haet geboeaje moge wae ( Jenny en ich zellef) ós Color Masters neume.

nicolle collor master

Det hèltj inne det wae alle kinnis en ekspertise höbbe óm mèt alle produkte van Goldwell alle kläöre kinne make. Hiedoor óngersjeije wae ós al behuerlik van angere kapsalons.
Nao 3 jaor gruujdje wae oet ós jeske en höbbe wae verboewdj! Det waas ein sjoean moment óm “KMS start style finish” d’r bie te pakke.
Ouch dees produkte passe good bie de gruujendje jongere doelgroep.

 

2. Misse wae den get?

dav

Wae wirke mèt ein oneline boekingssiesteem van 1 kapper.nl vieja de website en vieja Feesbook ( knoep noe booke) kinse as klantj ein GRATIES adviesgesjprek booke van 15 menute. Hie loestere wae nao waat se gaer wils en daonoa vertelle wae den dudelik waat wae gaon doon óm aan dien winse te voldoon, mer wae vertèlle dich ouch waat d’r thoes mót waere gedaon óm ’t behaoldje rezultaat te borge. Wae gaeve dich mósters mèt van produkte die ‘t beste bie dien haor en sjtiel passe.Hiemèt kinse den alvas aane sjlaag gaon.
In ein advizeringsgesjprek sjtuute wae döks op ’t neet weite wie detse de produkte mós gebroeke. Det lègke wae den oetgebreidj aan dich oet. Wie gebroekse eine sjampo en kondisjener op de gooj meneer. De meiste klantje zeen ziër kontent uever de wirkwieze en al die graties advieze. Hiedoor kumptj ’t zeker toet aansjaf van ós profesjonele produkte, esse al get geprobeerdj höbs waat good is den wilse toch neet miër trök nao minder good!

3 Woea vringtj de sjoon?

De produkte van de Goldwell en KMS zeen super produkte mèt ein juuste pries/kwaliteit verhaojing. Es klantje waal ins ein set van sjampo en kondisjener te deur vinje, den vraog ich ze waal ins: ”Woea koup gae ‘t broead lever; bie eine febrieksbekker of bie de werme bekker”? ….. En woearóm? …… Den waerdj döks geanjtwoeard “ bie de werme bekker ómdet dao sjtreekprodukte en gooj gróndjsjtoffe op ein ambachtelikke meneer verwirktj en den kriegse miër sjmaak!” Mèt dit kloppendj verhaol zeen de klantje döks hiëlemaol ómme en gaon uever toet verkoup! ( aankoup!)
Toch huër ich aaf en toe ins van ‘ne klantj detse ’t produkt, oet ós adviesgesjprek, höbbe gekochtj bie eine groeathanjel en neet bie mich (eine groeathanjel köptj groeate partieje in woeadoor zie miër korting kriege van die firma)
Kiek en dao vringtj ‘t bie mich ! ‘t Is neet det ich die groeathanjeliëre niks gun…hiëlemaol neet, ich vinj ’t gewuen jaomer van ein merk det ‘t neet ekskluzief is aane kapper!
Laote wae iërlik zeen! Ich sjnap die klantje good, doe kins dien geldj mer éíne kiër oetgaeve. Ich sjnap ouch de groeate merke, wie miër detse inköps deste goodkouper de prieze.
Mer wae laote ós daodoor zeker neet oet ’t veldj sjlaon!. De firma van Goldwell en KMS gaeve ouch väöl marketing aane kapsalons kedo beväörbeeldj:

dav

KMS aksie: bie aankoup van twië produkte graties kedoverpakking

kms actie headpfone

KMS aksie: bie aankoop van twië produkte graties koptillefoon kedo

 

4 Säörvis is kNIp’t groeatste sjat!

Wae levere väöl säörvis, mer waat is det denne? Volges ‘t woeardebook is säörvis ein anger benaming väör deensverlening. ’t Woeard is van toepassing op kómmersjele insjtellinge die häör klantje kontent wille sjtèlle. Bron: Wich ipedia

Wae wirke mèt versjillendje soearte säörvis die se trök zuus op oze site
Mer woea ich ’t hie uever wil höbbe is de produkte ómruul säörvis!
Wat hèltj det inne?
Höbsse produkte thoes sjtaon, die bie ós gekochtj zeen van “KMS start-style-finish”, en nao ‘t bezeuk aan oze salon, verangere wae de koep hiëlemaol en passe de produke neet miër bie de koep, den bringse ze gewuen nao de salon trök en wae verraekene dees produkte oppe noewe KMS produkte zoea detse weer hiëlemaol gebroektj kinne waere väör diene noewe koep of kläör!

Det neume wae echte säörvis!

 

5 Woearóm ein eige label?

 

Wie kóm ich den noe op ‘t idee óm ein eige lien “…Private label… “op te zètte?
Zoea es ich al iërder vertèldje kinse jaomer genog eder merk in groeatere kappersgroeathanjels koupe. Waal songer ‘t juuste advies en songer ómruulsäörvis!

Inne zomer bön ich mèt mien tiem nao de “Hair-X-perience” bäörs gewaesjtj woea ich es gassjpraeker van Berthy Salden van Jump menetsjment väör kappers, get moch vertèlle uever mien suksesse in mien bedrief (toet noe toe), en de samewirking mèt Jump .
Ich bön namelIch sins deze zomer ‘t gezicht gewoeare van Jump väör de graties “kwiksken”.
Ómdet ich drök waas mèt Jump, höb ich Jenny en ós tiem gevraogdj óm rondj te kieke oppe bäörs en noew dinger te melje. Wae hadde al ein lieske aan produkte gemaaktj die gekochtj móste waere.

Jenny kwaam trök mèt de opdracht det ich éns mós gaon kieke nao de “sjtent van private label”. Zie vertèldje mich det ‘t hoëgwaerdige produkte woeare woea se zellef nog zègkensjap uever höbs waat betröftj samesjtèlling, räök en kläör en waat diene eige naam en eige logo maag drage!

Det vonj ich interessant en höb in dae sjtent te huëre gekrege woea dit ziër gedreve bedrief väör sjtong en ging metein fantasere wie mien eige produkt den in oze salon kwoeam te sjtaon mèt mien eige logo d’rop!

Zoea es mèt miër ideeje gebaordj, esse d’r mètein niks mèt duis blieve ze oppe plank ligke.
Ein aantal waeke nao de bäörs waas ich weer same mèt Berthy van Jump bie kapperskefeè “Cafe van de Leeuwenborg” kappersopleijing in Mestreech, óm weer mien ervaringe te deile van 2 jaor samewirke mèt Jump en te vertèlle uever de traeninge die ich inne tösse tied al gevolgdj höb van b.v. Wolfgang Peppmeier 

Nao de pauze waas ‘t de bäört aan twië hiërekappers die ‘t “barbiere” weer ónger de aandacht brachte, ze hadde ein eige merk gelanseerdj mèt eine eige Limburgse naam.
Det sjprook mich zoea aan det ich ein besjtèlling plaatsdje bie dees jónges!

Wie wae inne salon de hiëre produkte vanne jónges aan ’t verkoupe woeare bedach ich mich det wae gek woeare óm angere te sjpekke en det ich ech ouch ein eige lebel wol!
In ‘t wiekendj höb ich eine meel gesjtuurdj nao de firma van “Private label”. En toen ging ’t belke rolle!

Waat woeare de sjtappe:

 

Ich kreeg eine meel trök: :

 

“Fróm idea to own brand” Van iedee nao eige merk

Inne “custóm branding” ( ’t óntwikkele van dien eige merk) zeen d’r ein aantal fazes óm toet ein sjoean injprodukt te komme. Wae beje ein “full service” wirkwieze aan. Hiedoor kinse kwaliteit in ’t injprodukt verwachte en waerse begeledj óngertösse det ‘t hiële trajektj löptj.

  1. Iedee vertale nao konsept
  2. “Samples” monsters teste en goodkäöre
  3. ‘t Ontwerp
  4. Produksie oplevering
  5. Mert

Ich bön nao ‘t bedrief gegange en höb de iërste twië sjtappe gezatte, mèt eine houp monsters bön ich trök de salon in gegange en wae zeen de produkte gaon teste…
Jenny waas miene aodste zoon Bas aan ‘t knippe, en Bas vreugtj waat Jenny ‘m väör get noeats inne haore sjmaerdje! Jenny zag detter hie väör nog name gezochtj móste waere.
Hae besjtudeerdje ’t blikske en ziët: ”’t Is net sjmurrie in ’n zilvere blikske”! , en de iërste naam waas ein feit!

jenny knipt bas

 

Ich bön nao ‘t bedrief gegange en höb de iërste twië sjtappe gezatte, mèt eine houp monsters bön ich trök de salon in gegange en wae zeen de produkte gaon teste…
Jenny waas miene aodste zoon Bas aan ‘t knippe, en Bas vreugtj waat Jenny ‘m väör get noeats inne haore sjmaerdje! Jenny zag detter hie väör nog name gezochtj móste waere.
Hae besjtudeerdje ’t blikske en ziët: ”’t Is net sjmurrie in ’n zilvere blikske”! , en de iërste naam waas ein feit!

 

6 Waat is miene doelgroep?

De doelgroep oppe hiëreaovendj zeen hiëre tösse de 16 en 50 jaor. De produkte die wae höbbe oetgezochtj zeen gesjiktj väör de hiëre…mer zeker ouch väör dames mèt kort toet hallef langk haor!

Wae höbbe ein aantal waeke ein enkaete gehaoje oppe hiëreaovendj mèt de vraoge es:

  • -Waat väör produkte gebroekse thoes?
  • -Waat väör merk ?
  • -Waat vinj se fijn aane produkte diese noe gebroeks?
  • -Waat vinj se vanne räök?
  • -Waat vinj se gemekkelIk in blIk, inne fles of ein pumpke?
  • -Woea köpse dien produkt?
  • -Wie väöl gufse oet aan éín produkt?

Aane handj van dit óngerzeuk zeen de winse van oze doelgroep good in kaart gebrachtj en wiste wae waat väör verpakking ‘t beste pasjtj.

Wae zeen verder gegaon mèt sjtap 3 van de firma “private label”

 

7 Waem maaktj mien logo en verpakkinge?

‘t Bedrief haaj ein “all- inclusive pries pakket”, en vertèldje ós es wae emes inne femielie of kinnissekringk hadde dae de óntwerpe van mien logo en naam kóste vormgaeve den kós ich dit ouch oetbesjtaeje en ging d’r get vanne pries aaf.

 

8 Samewirking mèt Jos en Nicole Winkelmolen?

Ich epdje Jos Winkelmolen of ich metein kós komme en al sjnel zaat ich aane koffie mèt mien iedee. Jos hiët op ziene site sjtaon

“MAAK UW PRODUCT ONDERSCHEIDEND VAN DE REST”
Dien produkt mót zich óngersjeije vanne rest

En laot ich dao noe nao op zeuk zeen! Jos hiët miene naam verzonne, ’t logo, de besjtikkering van de kapsalonrame enne rame vanne aoto, kort gezagtj miene hiële hoessjtiel. Logieserwies volgdje dao oet det hae ouch ’t óntwerp ging make väör mien eige lebel.
Jos waas entoezjast uever de óngertösse verzonne name en begos al metein te teikene op ziene sjriefblok.

Wae woeare ech waal gesjpanne wie detter mich ein aantal väörbeeldje leet kieke. Wae woeare ’t d’r mèt zien alle uever èns: mien tiem, mien gezin en Jos en Nicole Winkelmolen, det woeare de juuste óntwerpe! (nog effe gedöldj)

 

9 Keze vanne produkte!

Same mèt mien tiem höb ich de produkte oetgekoeaze. De moderne oetsjtraoling,de leuke name en de pries/kwaliteit verhaojing kloppe mèt oze doelgroep en sjloete sjoean aan oppe superkwaliteit produkte woea wae al jaore mèt wirke.

Wae höbbe al dökkers filmpkes opgenomme in ’t diejalek

Wae sjpraeke inne salon ouch gewuen ‘t Limburgs diejalek, daoróm is ‘t väör ós vanzellefsjpraekendj gewoeare óm de iërste lien van kNIp’t kapsalon leuke orzjinele name te gaeve mèt ein gekkig tintje….

 

10 De lansering van kNIp’t kapsalon Limburgse lien!

producten

 

Plek Sjtevige pomade

’t Guftj ‘t haor eine sjtevige fleksibele fiksasie. Gesjiktj väör alle haortiepes. Naem de Plek mèt eine vinger oet ‘t blik en verdeil ‘t in dien haor.
Gebroek ‘t oppe handjdook drueg en drueg haor!

Sjien glanzendje wax

’t Guftj ‘t haor eine natuurlikke glans en vaerkrachtj. ‘t Haor geitj neet pluize en “restyle” dien kapsel de ganse daag!. Gesjiktj väör normaal en diek haor. Naem ein klein bietje oppe vingers en verdeil good in dien handjpalme, gangk mèt dien henj uever ‘t oppervlak van dien haorlingdje. Gebroek ‘t op drueg haor!

Pratsj modderige mud

‘t Guftj ’t haor “ shine, medium hold” en väöral vaerkrachtj. Verdeil ‘t uever ‘t haor en knaej, vorm en drej en definiejeer diene sjtiel. Iedejaal väör knaeje van nonsjalante lokke. Gesjiktj väör alle haortiepes. Gebroek ‘t oppe handjdook drueg en drueg haor!

Sjmurrie sjtoere gum

‘t Guftj ’t haor eine sjtevige matte oetsjtraoling. Verdeil ‘t aan de aanzètte bie dien haor en keim ‘t door. Definiejeer verder diene sjtiel. Gesjiktj väör alle haortiepes.
Gebroek ‘t oppe handjdook drueg en drueg haor!

 

 

 

 

 

 

Share this Post

Geef een reactie

Het e-mailadres wordt niet gepubliceerd. Verplichte velden zijn gemarkeerd met *